Photo: Gamutstockimagespvtltd | Dreamstime.com
آپ چاہتے ہیں کہ آپ کے بچے موسم گرما کی چھٹیوں میں پڑھیں تو انہیں اپنی کتابیں خود منتخب کرنے دیں۔ آپ اپنی پسند کی یا اساتذہ کی منتخب کتابیں نہ دیں۔ اچھا، تو آپ یہ جانتے ہیں، چلیے پھر آپ صحیح ہیں، اس بات کا ثبوت ایک تحقیق ہے۔
نیویارک کی رشیسٹر يونورسٹی میں مقرر اس تحقیق کی اہم مصنفہ ایرن کیلی کے مطابق پڑھنا زندگی کی ایک اہم قابلیت ہے جس کےبہت سے فوائد ہیں، صحت سے متعلق بھی، انہوں نے اور ان کے ساتھیوں نے اس بارے میں جاننے میں دلچسپی لی کہ موسم گرما کی طویل تعطیلات کے بعد بچوں کی پڑھنے سے متعلق دلچسپی کم کیوں ہو جاتی ہے۔ انہوں نے کہا کہ ’’بچے اچھی کارکردگی نہیں کرتے، یہ اسکول سے زیادہ ہم سب کامسئلہ ہے۔‘‘
رائٹرز کی رپورٹ کے مطابق، ایک تجربے میں دوسری کلاس کے ایک گروپ کو چھٹیوں سے پہلے 13 کتابیں منتخب کرنے کو کہا گیا،جبکہ دوسرے گروپ کے بچوں کو کچھ کتابیں دی گئیں جو انہوں نے نہیں منتخب کی تھیں۔ چھٹیوں کے بعد جب وہ اسکول واپس آئے، تو پہلے گروپ کے بچوں کے مطالعہ کی رفتاراور دلچسپی(ریڈنگ اسکور) بہتر تھے۔ دوسرے گروپ کے بچوں کے اسکور میں کوئی فرق نہیں تھا۔
اس تجرباتی پروگرام کواگلے سال بھی جاری رکھا گیا اور اس بار کنڈر گارٹن سے لے کر کلاس 2 تک کے بچوں کے بڑے گروپ پر تجربہ کیا گیا۔ اس بار انہیں 15 کتابیں منتخب کرنے کو کہا گیا. مقابلے کے لیے دوسرے گروپ کے بچوں کو بھی اس بار کتابیں منتخب کرنے کو کہا گیا لیکن اتنی نہیں کیونکہ وہ دوسرے بچوں کے اسکور کو دیکھ کر متاثر ہو چکے تھے۔ پھر محققین نے دیکھا کہ دونوں ہی گروپوں کے بچوں کے ریڈنگ اسکور میں بہتری آئی. چھٹیوں کے بعد بھی 75 فیصد بچے یا تو آپ ریڈنگ اسکور کو برقرار رکھے ہوئے تھے یا اس سے بہتر ہوئے تھے۔ یہ تحقیق خاص طور سے کم آمدنی والے طبقے کے طالب علموں کے لیےبامعنی لگتی ہے۔ ان کے ریڈنگ اسکور میں چھٹیوں کے بعد اکثر کمی دیکھی جاتی ہے۔
اساتذہ کو تربیت دینے والے کولمبیا يونورسٹی کے ایک ٹیچرس کالج کےماہر تعلیم Sheridan شیریڈن کیبل کا کہنا ہے کہ کچھ اسکول کے بچوں کو منتخب کرنے کی ترکیب اپنا چکے ہیں. بل اس تحقیق سے نہیں منسلک تھیں۔
انہوں نے کہا کہ “آزادانہ پسند سے نتیجہ بہتر آیا ہے۔‘‘ اس کا مطلب یہ نہیں ہے کہ اساتذہ کو کلاس کو پڑھانے سے متعلق تقرری نہیں دینا چاہئے کیونکہ طالب علموں کو پڑھانے کے مشکل عمل کے فوائد بھی ہیں۔
تو یہ ایک آسان اور مفید طریقہ ہے کہ بچے اپنی مرضی سے اپنی پسند کی کتابیں منتخب کریں، جن میںوہ اپنی عمر کے حساب سے دلچسپی رکھتے ہیں، اس سے ان کی پڑھنے کی صلاحیت بھی بڑھتی ہے اور چھٹیوں کا فائدہ بھی ہوتا ہے۔
اگر آپ اس مضمون میں دی گئی معلومات کو پسند کرتے ہیں تو برائے مہربانی فیس بک پر
https://facebook.com/FamiLifeUrdu کو لائک اور شیئر کریں کیونکہ اس اوروں کو بھی مطلع کرنے میں مدد ملے گی۔