Photo: Shutterstock
بچوں کے ساتھ پرواز کرنےکے لئے کچھ سادہ تجاویز
بچوں کے ساتھ سفر کرنا پریشانی بھرا ہو سکتا ہے۔ آپ کو نہ صرف یہ خیال رکھنا ہوتا ہے کہ بچے آرام سے ر ہیں، بھوکے نہیں رہیں اور پرواز کے دوران ٹھیک رہیںبلکہ بچوں کے ذرا سے بگڑنے پر دوسرے مسافروں کی شکایتی نظروں یا غصے کو بھی جھیلنے سے بچنا چاہیں گے۔ بچوں کے سونے اور کھانے کے مطابق پرواز کاشیڈول بنانا مشکل ہو سکتا ہے۔ بچوں کے ساتھ پرواز میں سفر کو مکمل طور سادہ بنانا تو مشکل ہے، لیکن کچھ تجاویز ایسی ہیں ،جن پر عمل کرنے سے اس مشکل کو بڑی حد تک حل کر سکتے ہیں۔
سب سے پہلے تو، جتنی جلدی ممکن ہو اتنی صبح کی فلائٹ لیں۔آپ سوچیں گے کہ بچے کو صبح صبح پرواز میں لے جانا غیر آرام دہ ہو سکتا ہے ، لیکن سمجھیں کہ صبح کی پھلائٹس زیادہ تر وقت پرروانہ ہوتی ہیں اور آپ کوزیادہ وقت انتظار گاہ میں نہیں گزارنا ہوگا۔
جب آپ ایئر پورٹ پرہوں تو بچوں کو جگا ئے ہوئےاور کام میں مصروف رکھیں تاکہ وہ تھك جائیں۔ بچوں کو گھومنے دیں، انہیں مذاق کرنے سے نہ روکیں۔وہ تھك جائیںگے، تو ممکن ہے کہ پرواز کے وقت وہ پرسکون رہیں گے یا سو جائیں گے۔
بورڈنگ سے پہلے یاد رکھیں کہ بچوں کو واشروم میں لے جاکر فارغ کروا لیں۔ پلین کے اندر بچوں کے ساتھ ٹوائلٹ میں جاکر انہیں فارغ کروانا کافی مشکل عمل ہوتا ہے ،تو جہاں تک ممکن ہو اس صورت حال کو ٹالیں۔ اگر آپ کا چھوٹابچہ آپ کے ساتھ ہے،تو بورڈنگ سے پہلے ہی ڈایپر وغیرہ تبدیل کرلیں۔ اگر ڈایپر صاف لگتا ہے، تب بھی، تبدیل کرنا بہتر ہوگا۔
اگر آپ کے بچے تھوڑے بڑے ہیں تو پلین سے سفر کو ان کے لیے چھٹیوں کی تفریح بنائیں۔ انہیں بتائیں کہ اس سفر کے دوران ان کے پاس ان کی اپنی سیٹ ہوگی، ان کے پاس اسنیکس ہوں گے اور وہ طویل وقت کے لیے فری ہوں گے تو وہ ان کھلونوں سے کھیل سکتے ہیں یا پینٹنگ وغیرہ کر سکتے ہیں۔ ان کے پسندیدہ كھلونےاور کچھ کتابیں وغیرہ ساتھ میں رکھیں۔اگر ایک سے زیادہ بچے آپ کے ساتھ ہیں تو ان کے لیے مختلف کھلونے یا کتابیں وغیرہ رکھیں۔ تاکہ پرواز کے دوران وہ لڑیں جھگڑیں نہیں ،یقیناًیہ آپ نہیں چاہتے ہیں۔
آپ کسی قسم کا کوئی الیکٹرانک آلہ بھی ساتھ رکھ سکتے ہیں، جیسے لیپ ٹاپ یا ٹیبلٹ جس میں آپ کے بچے کے پسندیدہ کھیل یا کارٹون شوز ہوں تاکہ وہ ان کے ساتھ پر امن وقت گزار سکیں ۔ ان کے ساتھ ہیڈ فون رکھنا نہ بھولیں۔
چھوٹے بچے کے لیےآپ اپنا کار کیریئر بھی لے جا سکتے ہیں۔اس سے بہت چھوٹے بچوں کو روز مرہ معمول جیسا تجربہ ہوتا ہے اور وہ آرام دہ محسوس کرتا ہے۔ اسے آپ فلور پر بھی رکھ سکتے ہیں اگر آپ کے پاس بلك هیڈ سیٹ ہے تو جو کہ ہر ایئر لائن نومولود بچے کے والدین کے لیے رکھتا ہے، آپ اس کے بارے میں مطالبہ کر سکتے ہیں۔آپ کو پتہ ہے کہ ایئر لائن آپ کو یہ فراہم کر سکتی ہے یا بچے کے لحاظ سے آپ کوئی مختلف سیٹ بھی مانگ سکتے ہیں، جس سے آرام محسوس ہوگا۔
اگر آپ اس مضمون میں دی گئی معلومات کو پسند کرتے ہیں تو برائے مہربانی فیس بک پر
https://facebook.com/FamiLifeUrdu کو لائک اور شیئر کریں کیونکہ اس اوروں کو بھی مطلع کرنے میں مدد ملے گی۔